یاس و امید و شادی و غم نے دھوم اٹھائی سینہ میں

یاس و امید و شادی و غم نے دھوم اٹھائی سینہ میں

خوب مجھے ہے آج دھما دھم مار کٹائی سینہ میں

دید کیا جو وادئ مجنوں ہم نے دھن میں وحشت کے

شکل مجسم ہو کے جنوں کی آن سمائی سینہ میں

شیخ و برہمن دیر و حرم میں ڈھونڈھتے ہو کیا لا حاصل

موند کے آنکھیں دیکھو تو ہے ساری خدائی سینہ میں

قہر کیا یہ تم نے صاحب آنکھ لڑانا آفت تھا

جھٹ پٹ دل کو پھونک دیا اور آگ لگائی سینہ میں

حضرت دل تو کب کے سدھارے خوب جو ڈھونڈا انشاؔ نے

ایک دھواں سا آہ کا اٹھا خاک نہ پائی سینہ میں

yas-o-ummid-o-shadi-o-gham ne dhum uthai sina mein

khub mujhe hai aj dhama dham mar katai sina mein

did kya jo wadi-e-majnun ham ne dhun mein wahshat ke

shakl-e-mujassam ho ke junun ki an samai sina mein

shaikh-o-barahman dair-o-haram mein dhundhte ho kya la hasil

mund ke ankhen dekho to hai sari khudai sina mein

qahr kya ye tum ne sahab ankh larana afat tha

jhat pat dil ko phunk diya aur ag lagai sina mein

hazrat dil to kab ke sidhare khub jo dhunda insha ne

ek dhuan sa ah ka utha khak na pai sina mein