یار کو بے حجاب دیکھا ہوں

یار کو بے حجاب دیکھا ہوں

میں سمجھتا ہوں خواب دیکھا ہوں

یہ عجب ہے کہ دن کوں تاریکی

رات کوں آفتاب دیکھا ہوں

مصرع انتخاب دیکھا ہوں

کس ستی اب امید لطف رکھوں

تجھ نگہ سیں عتاب دیکھا ہوں

اب ہوا سب سیں فارغ التحصیل

بے خودی کی کتاب دیکھا ہوں

لشکر عشق جب سیں آیا ہے

ملک دل کوں خراب دیکھا ہوں

مجلس چشم مست ساقی میں

دور جام شراب دیکھا ہوں

اے سراجؔ آتش محبت میں

دل کوں اپنے کباب دیکھا ہوں

yar ko be hijab dekha hun

main samajhta hun khwab dekha hun

ye ajab hai ke din kun tariki

rat kun aftab dekha hun

misra-e-intikhab dekha hun

kis sati ab umid lutf rakhun

tujh nigah sin itab dekha hun

ab hua sab sin farigh alttahsil

be khudi ki kitab dekha hun

lashkar-e-ishq jab sin aya hai

mulk-e-dil kun kharab dekha hun

majlis-e-chashm-e-mast-e-saqi mein

daur-e-jam-e-sharab dekha hun

ai siraj atish-e-mohabbat mein

dil kun apne kabab dekha hun