یارب کہاں گیا ہے وو سرو شوخ رعنا

یارب کہاں گیا ہے وو سرو شوخ رعنا

ہے چوب خشک جس بن میری نظر میں طوبیٰ

دیدار دے شتابی جلنے کی تاب نیں ہے

اس ہجر کی اگن سیں دوزخ کی آگ اولیٰ

طوق گلوئے دل ہے زلف صنم کا ہر خم

مشہور یہ مثل ہے یک سر ہزار سودا

ہے ختم یار جانی تیرے دہن کی تنگی

کہنے کی بات نیں ہے باریک ہے معما

اے گل بدن نظر کر داغ جگر کوں میرے

گر آرزو ہے تجھ کوں گل زار کا تماشا

مسکن ہوا ہے میرا جب سیں تری گلی میں

اے گلعذار تب سیں جنت کی نیں تمنا

ہے اے سراجؔ ہر شب مہتاب رو کے غم میں

آنسو کا میرے جھمکا جیوں خوشۂ ثریا

yarab kahan gaya hai wo sarw shokh-e-raana

hai chob-e-khushk jis ban meri nazar mein tuba

didar de shitabi jalne ki tab nain hai

is hijr ki agan sin dozakh ki ag aula

tauq-e-galo-e-dil hai zulf sanam ka har kham

mashhur ye misl hai yak sar hazar sauda

hai khatm yar jani tere dahan ki tangi

kahne ki bat nain hai barik hai muamma

ai gul badan nazar kar dagh-e-jigar kun mere

gar arzu hai tujh kun gul zar ka tamasha

maskan hua hai mera jab sin tiri gali mein

ai gulizar tab sin jannat ki nain tamanna

hai ai siraj har shab mahtab ro ke gham mein

ansu ka mere jhamka jyun khosha-e-surayya