ہے وصف ترا محیط اعظم

ہے وصف ترا محیط اعظم

یاں تاب کسے شناوری کی

دی زندگی اور اس کا ساماں

کیا شان ہے بندہ پروری کی

شاہنشہ وقت ہے وہ جس نے

تیرے در کی گداگری کی

بد تر ہوں ولے کرم سے تیرے

امید قوی ہے بہتری کی

کیا آنکھ کو تل دیا کہ جس میں

وسعت ہے چرخ چنبری کی

دیکھا تو وہی ہے راہ و رہرو

پھر اس نے ہے آپ رہبری کی

ہر شکل میں تھا وہی نمودار

ہم نے ہی نگاہ سرسری کی

کیا بات ہے گر کیا ترحم

ہیہات جو تو نے داوری کی

کی بعد خزاں بہار پیدا

سوکھی ٹہنی ہری بھری کی

جھوٹ اور مبالغہ نے افسوس

عزت کھو دی سخنوری کی

لکھی تھی غزل یہ آگرہ میں

پہلی تاریخ جنوری کی

hai wasf tira muhit-e-aazam

yan tab kise shinawari ki

di zindagi aur us ka saman

kya shan hai banda parwari ki

shahnasha waqt hai wo jis ne

tere dar ki gadagari ki

bad tar hun wale karam se tere

ummid qawi hai behtari ki

kya ankh ko til diya ke jis mein

wusat hai charkh chambari ki

dekha to wahi hai rah-o-rahrau

phir us ne hai ap rahbari ki

har shakl mein tha wahi numudar

ham ne hi nigah-e-sarsari ki

kya bat hai gar kiya tarahhum

hehat jo tu ne dawari ki

ki baad khizan bahar paida

sukhi tahni hari bhari ki

jhut aur mubalagha ne afsos

izzat kho di sukhanwari ki

likhi thi ghazal ye agra mein

pahli tarikh janwari ki