ہے مجھ کو ربط بسکہ غزالان رم کے ساتھ

ہے مجھ کو ربط بسکہ غزالان رم کے ساتھ

چونکوں ہوں دیکھ سائے کو اپنے قدم کے ساتھ

ہے ذات حق جواہر و اغراض سے بری

تشبیہ کیا ہے اس کو وجود و عدم کے ساتھ

کیا این و ملک و وضع و اضافت کا دخل واں

ہے انفعال و فعل متیٰ کیف و کم کے ساتھ

دیکھا میں ساتھ ڈھول کے سولی پر ان کا سر

فخریہ وہ جو پھرتے تھے طبل و علم کے ساتھ

دیکھی یہ چاہ ان کی اندھیرے کنویں کے بیچ

پھینکا لپیٹ کشتہ کو اپنے گلم کے ساتھ

کوئے بتاں سے طوف حرم کو چلے تو ہم

لیکن کمال حسرت و حرمان و غم کے ساتھ

تھیں اپنی آنکھیں حلقۂ زنجیر کی نمط

پیوستہ ہل رہی در بیت الصنم کے ساتھ

کہتے ہو ووں سے ہوکے ادھر آؤ ووں چلیں

کیا خوب کیوں نہ دوڑ پڑوں ایسے دم کے ساتھ

تم اور بات مانو اجی سب نظر میں ہے

دانتوں تلے زبان دبانی قسم کے ساتھ

اب چھیڑ چھاڑ کی غزل انشاؔ اک اور لکھ

ہیں لاکھ شوخیاں تری نوک قلم کے ساتھ

hai mujh ko rabt baske ghazalan ram ke sath

chaunkun hun dekh sae ko apne qadam ke sath

hai zat-e-haq jawahir-o-aghraz se buri

tashbih kya hai us ko wajud-o-adam ke sath

kya ain-o-mulk-o-waza-o-izafat ka dakhl wan

hai infial-o-fel mati kaif-o-kam ke sath

dekha main sath dhol ke suli par un ka sar

fakhriyya wo jo phirte the tabal-o-ilm ke sath

dekhi ye chah un ki andhere kuen ke bich

phenka lapet kushta ko apne galam ke sath

ku-e-butan se tauf-e-haram ko chale to ham

lekin kamal-e-hasrat-o-hirman-o-gham ke sath

thin apni ankhen halqa-e-zanjir ki namat

paiwasta hal rahi dar-e-bit alssanam ke sath

kahte ho wun se hoke idhar ao wun chalen

kya khub kyun na daur parun aise dam ke sath

tum aur bat mano aji sab nazar mein hai

danton tale zaban dabani qasam ke sath

ab chher chhar ki ghazal insha ik aur likh

hain lakh shokhiyan tiri nok-e-qalam ke sath