ہمارے واسطے ہر آرزو کانٹوں کی مالا ہے

ہمارے واسطے ہر آرزو کانٹوں کی مالا ہے

ہمیں تو زندگی دے کر خدا نے مار ڈالا ہے

ادھر قسمت ہے جو ہر دم نیا غم ہم کو دیتی ہے

ادھر ہم ہیں کہ ہر غم کو ہمیشہ دل میں پالا ہے

ابھی تک اک کھٹک سی ہے ابھی تک اک چبھن سی ہے

اگرچہ ہم نے اپنے دل سے ہر کانٹا نکالا ہے

غلط ہی لوگ کہتے ہیں بھلائی کر بھلا ہوگا

ہمیں تو دکھ دیا اس نے جسے دکھ سے نکالا ہے

تماشا دیکھنے آئے ہیں ہم اپنی تباہی کا

بتا اے زندگی اب اور کیا کیا ہونے والا ہے

hamare waste har arzu kanton ki mala hai

hamen to zindagi de kar khuda ne mar dala hai

idhar qismat hai jo har dam naya gham ham ko deti hai

idhar ham hain ke har gham ko hamesha dil mein pala hai

abhi tak ik khatak si hai abhi tak ik chubhan si hai

agarche ham ne apne dil se har kanta nikala hai

ghalat hi log kahte hain bhalai kar bhala hoga

hamen to dukh diya us ne jise dukh se nikala hai

tamasha dekhne ae hain ham apni tabahi ka

bata ai zindagi ab aur kya kya hone wala hai