ہمایوں

اے ہمایوں! زندگی تیری سراپا سوز تھی

تیری چنگاری چراغِ انجمن افروز تھی

گرچہ تھا تیرا تنِ خاکی نزار و دردمند

تھی ستارے کی طرح روشن تری طبعِ بلند

کس قدر بے باک دل اس ناتواں پیکر میں تھا

شعلۂ گردُوں نَورد اک مُشتِ خاکستر میں تھا

موت کی لیکن دلِ دانا کو کچھ پروا نہیں

شب کی خاموشی میں جُز ہنگامۂ فردا نہیں

موت کو سمجھے ہیں غافل اختتامِ زندگی

ہے یہ شامِ زندگی، صبحِ دوامِ زندگی

ai hamiyon! zindagi teri sarapa soz thi

teri chingari charagh-e-anjuman afroz thi

garche tha tera tan-e-khaki nizar-o-dardmand

thi sitare ki tarah raushan tiri tab-e-buland

kis qadar be bak dil is natawan paikar mein tha

shola-e-gardun naurd ik musht-e-khakistar mein tha

maut ki lekin dil-e-dana ko kuchh parwa nahin

shab ki khamoshi mein juz hangama-e-farda nahin

maut ko samjhe hain ghafil ikhtitam-e-zindagi

hai ye sham-e-zindagi, subh-e-dawam-e-zindagi