ہمدردی

ٹہنی پہ کسی شجر کی تنہا

بُلبل تھا کوئی اُداس بیٹھا

کہتا تھا کہ رات سر پہ آئی

اُڑنے چُگنے میں دن گزارا

پہنچوں کِس طرح آشیاں تک

ہر چیز پہ چھا گیا اندھیرا

سُن کر بُلبل کی آہ و زاری

جُگنو کوئی پاس ہی سے بولا

حاضر ہُوں مدد کو جان و دل سے

کِیڑا ہوں اگرچہ مَیں ذرا سا

کیا غم ہے جو رات ہے اندھیری

مَیں راہ میں روشنی کروں گا

اللہ نے دی ہے مجھ کو مشعل

چمکا کے مجھے دِیا بنایا

ہیں لوگ وہی جہاں میں اچھّے

آتے ہیں جو کام دوسرں کے

tahni pe kisi shajar ki tanha

bulbul tha koi udas baitha

kahta tha ke rat sar pe ai

urne chugne mein din guzara

pahunchun kis tarah ashiyan tak

har chiz pe chha gaya andhera

sun kar bulbul ki ah-o-zari

jugnu koi pas hi se bola

hazir hun madad ko jan-o-dil se

kira hun agarche main zara sa

kya gham hai jo rat hai andheri

main rah mein raushni karunga

allah ne di hai mujh ko mashal

chamka ke mujhe diya banaya

hain log wahi jahan mein achchhe

ate hain jo kam dosarn ke