ہمارا دل بر گلفام آیا

ہمارا دل بر گلفام آیا

قرار جان بے آرام آیا

کمند پیچ و تاب زلف کوں کھول

شکار دل کوں لے کر دام آیا

شتابی ہوش کوں سر سیں بدر کر

جنوں کا مجھ طرف پیغام آیا

کرے تا بلبل دل کوں غزل خواں

بہار عشق کا ہنگام آیا

اے زاہد بھاگ اس زلف سیہ سیں

یہ کافر دشمن اسلام آیا

برہ کے محکے سیں قتل دل پر

پیادہ غم کا لے اعلام آیا

ہوئی جوش محبت سیں زباں بند

صنم کا درمیاں جب نام آیا

بلا ہے تجھ نگہ کی سیف کا وار

دل بے تاب آخر کام آیا

سراجؔ آنے میں اس جادو نظر کے

شکیب و طاقت و آرام آیا

hamara dil bar gulfam aya

qarar-e-jan-e-be aram aya

kamand-e-pech-o-tab-e-zulf kun khol

shikar-e-dil kun le kar dam aya

shitabi hosh kun sar sin badar kar

junun ka mujh taraf paigham aya

kare ta bulbul-e-dil kun ghazal khwan

bahar-e-ishq ka hangam aya

ai zahid bhag is zulf-e-siyah sin

ye kafir dushman-e-islam aya

barra ke mahke sin qatl dil par

piyada gham ka le aalam aya

hui josh-e-mohabbat sin zaban band

sanam ka darmiyan jab nam aya

bala hai tujh nigah ki saif ka war

dil-e-be tab akhir kam aya

siraj ane mein is jadu nazar ke

shakeb-o-taqat-o-aram aya