ہمارے پاس جاناں آن پہنچا

ہمارے پاس جاناں آن پہنچا

دل بے جان کوں اب جان پہنچا

نہ ہووے کیوں شور دل کی بانسلی میں

ملاحت کا سلونا کان پہنچا

کماں ابرو کی ہر ترچھی نگہ سیں

جگر کے توڑنے کوں بان پہنچا

دکھایا مصحف رخسار اپناں

ہمارا دین اور ایمان پہنچا

مجھے کہہ کاکریزی چیرے والے

کہ وقت سیر نا فرمان پہنچا

مے و جام و گل مطرب ہے موجود

بہار وصل کا سامان پہنچا

دل مفلس نے پایا وصل کا گنج

بھکاری کوں درس کا دان پہنچا

سراجؔ اب گھر ترا روشن ہوا ہے

مگر وو شمع رو مہمان پہنچا

hamare pas janan an pahuncha

dil-e-be jan kun ab jan pahuncha

na howe kyun shor-e-dil ki banasli mein

malahat ka salona kan pahuncha

kaman abru ki har tirchhi nigah sin

jigar ke torne kun ban pahuncha

dikhaya mushaf-e-rukhsar apnan

hamara din aur iman pahuncha

mujhe kah kakrezi chire wale

ke waqt-e-sair na farman pahuncha

mai-o-jam-o-gul-e-mutrib hai maujud

bahar-e-wasl ka saman pahuncha

dil-e-muflis ne paya wasl ka ganj

bhikari kun dars ka dan pahuncha

siraj ab ghar tira raushan hua hai

magar wo shama ro mehman pahuncha