ہر آشنا سے اس بن بیگانہ ہو رہا ہوں

ہر آشنا سے اس بن بیگانہ ہو رہا ہوں

مجلس میں شمع رو کی پروانہ ہو رہا ہوں

مجھ کو ملامت خلق خاطر میں ناہیں ہرگز

زلفاں کی فکر میں میں دیوانہ ہو رہا ہوں

ساقی شراب و ساغر اب چاہتا نہیں ہوں

اس کے خیال سوں میں مستانہ ہو رہا ہوں

اس کے خیال سوں میں تنہا نشیں ہوں دائم

وحشی سا میں سبن سوں بیگانہ ہو رہا ہوں

دیکھ اس کی لٹ کا پھاندا بھولا ہوں آب و دانہ

فائزؔ اسیر اس کا بے دانہ ہو رہا ہوں

har ashna se is ban begana ho raha hun

majlis mein shama ro ki parwana ho raha hun

mujh ko malamat-e-khalq khatir mein nahain hargiz

zulfan ki fikr mein main diwana ho raha hun

saqi sharab-o-saghar ab chahta nahin hun

us ke khayal sun mein mastana ho raha hun

us ke khayal sun mein tanha nashin hun daim

wahshi sa main saban sun begana ho raha hun

dekh us ki lut ka phanda bhula hun ab-o-dana

faiz asir us ka be dana ho raha hun