گم انہیں میں ہوں ان کا دھیان کب نہیں آتا

گم انہیں میں ہوں ان کا دھیان کب نہیں آتا

یاد انہیں بھلانے کا کوئی ڈھب نہیں آتا

ضبط گریہ کی تلقیں ختم کر بس اے ہمدم

بات بات پر رونا بے سبب نہیں آتا

کس پہ جان دیتا ہوں راز ہی میں رہنے دے

نام اس دل آرا کا تا بہ لب نہیں آتا

کیا کہوں اسے پہلے دیکھتا تھا کس ڈھب سے

جو حسیں نظر مجھ کو آہ اب نہیں آتا

جتنے بادہ خوار آئے طالب نشاط آئے

ساقیا کوئی مجھ سا حق طلب نہیں آتا

اتنے غمگساروں سے شاد کیا ہو وہ غمگیں

غم بھی جس کے حصے میں سب کا سب نہیں آتا

تیری کم نگاہی کا طلب کھینچ لاتا ہے

سامنے ترے میں خود بے سبب نہیں آتا

رشک غیر اے منظورؔ ایسے وقت آتا ہے

دوست کے تصور میں دوست جب نہیں آتا

gum unhen mein hun un ka dhyan kab nahin ata

yad unhen bhulane ka koi dhab nahin ata

zabt-e-girya ki talqin khatm kar bas ai hamdam

bat bat par rona be sabab nahin ata

kis pe jan deta hun raz hi mein rahne de

nam is dil ara ka ta ba lab nahin ata

kya kahun use pahle dekhta tha kis dhab se

jo hasin nazar mujh ko ah ab nahin ata

jitne bada khwar ae talib-e-nishat ae

saqiya koi mujh sa haq talab nahin ata

itne ghamgusaron se shad kya ho wo ghamgin

gham bhi jis ke hisse mein sab ka sab nahin ata

teri kam nigahi ka talab khinch lata hai

samne tire mein khud be sabab nahin ata

rashk-e-ghair ai manzur aise waqt ata hai

dost ke tasawwur mein dost jab nahin ata