گر تجھ کو ہے یقین اجابت دعا نہ مانگ

گر تجھ کو ہے یقین اجابت دعا نہ مانگ

یعنی بغیر یک دل بے مدعا نہ مانگ

آتا ہے داغ حسرت دل کا شمار یاد

مجھ سے مرے گنہ کا حساب اے خدا نہ مانگ

اے آرزو شہید وفا خوں بہا نہ مانگ

جز بہر دست و بازوئے قاتل دعا نہ مانگ

برہم ہے بزم غنچہ بہ یک جنبش نشاط

کاشانہ بسکہ تنگ ہے غافل ہوا نہ مانگ

میں دور گرد عرض رسوم نیاز ہوں

دشمن سمجھ ولے نگۂ آشنا نہ مانگ

یک بخت اوج نذر سبک باری اسدؔ

سر پر وبال سایۂ بال ہما نہ مانگ

گستاخی وصال ہے مشاطہ نیاز

یعنی دعا بجز خم زلف دو تا نمانگ

عیسی طلسم حسن تغافل ہے زینہار

جز پشت چشم نسخہ عرض دوا نمانگ

نظارۂ دیگر و دل خونیں نفس دگر

آئینہ دیکھ جوہر برگ دعا نمانگ

gar tujh ko hai yaqin-e-ijabat dua na mang

yaani baghair-e-yak dil-e-be muddaa na mang

ata hai dagh-e-hasrat-e-dil ka shumar yad

mujh se mire gunah ka hisab ai khuda na mang

ai arzu shahid-e-wafa khun baha na mang

juz bahr-e-dast-o-bazu-e-qatil dua na mang

barham hai bazm-e-ghuncha ba yak jumbish-e-nishat

kashana baske tang hai ghafil hua na mang

main dur gard-e-arz-e-rusum-e-niyaz hun

dushman samajh wale nigah-e-ashna na mang

yak bakht-e-auj-e-nazr-e-subuk bari asad

sar par wabal-e-saya-e-bal-e-huma na mang

gustakhi-e-wisal hai mashshata-e-niyaz

yaani dua bajuz kham-e-zulf do ta namang

isa tilism-e-husn-e-taghaful hai zinhar

juz pusht-e-chashm-e-nuskha-e-arz-e-dawa namang

nazara-e-digar-o-dil-e-khunin nafas digar

aina dekh jauhar-e-barg-e-dua namang