گر نشے میں کوئی بے فکر و تامل باندھے

گر نشے میں کوئی بے فکر و تامل باندھے

چشم مے گوں کو تری جام پر از مل باندھے

ذکر‌ قامت میں اگر فکر ترقی نہ کرے

رشک طوبی تو لکھے گو بہ‌ تنزل باندھے

طبع کی سلسلہ جنباں جو پریشانی ہو

گیسوئے‌ غالیہ سا کو ترے سنبل باندھے

نالہ تو وہ ہے کہ گھبرا کے اٹھا دے پردہ

لیک نظارہ کی ہمت بھی تحمل باندھے

کچھ نہ بن آئے گی جب لوٹ مچائے گی خزاں

غنچہ ہر چند گرہ کس کے زر گل باندھے

روبرو اس کے لب عرض تمنا نہ ہلے

زور‌ افسون نظر سے گئے بالکل باندھے

ہیں ترے بند قبا عقدۂ دشوار مرے

کہ جو کھولے نہ کھلے اور جو گئے کھل باندھے

نہ بچے پر نہ بچے سیل فنا سے نہ بچے

گر کوئی کنگرۂ‌ چرخ پہ بھی پل باندھے

آنکھ کھلنے بھی نہ پائی تھی کہ اس نے فوراً

بند برقعے کے بہ انداز تغافل باندھے

ہائے وہ صید کہ صیاد کے پیچھے لپکے

سر کو فتراک پہ ہر دم بہ‌ تفاول باندھے

gar nashe mein koi be fikr-o-taammul bandhe

chashm-e-mai gun ko tiri jam par az mil bandhe

zikr qamat mein agar fikr taraqqi na kare

rashk-e-tuba to likhe go ba tanazzul bandhe

taba ki silsila jumban jo pareshani ho

gesu-e-ghaliya sa ko tire sumbul bandhe

nala to wo hai ke ghabra ke utha de parda

lek nazzara ki himmat bhi tahammul bandhe

kuchh na ban aegi jab laut machaegi khizan

ghuncha har chand girah kis ke zar-e-gul bandhe

rubaru us ke lab-e-arz-e-tamanna na hile

zor-e-afsun-e-nazar se gae bilkul bandhe

hain tire band-e-qaba uqda-e-dushwar mire

ke jo khole na khule aur jo gae khul bandhe

na bachche par na bachche sail-e-fana se na bachche

gar koi kingrah-e-charkh pe bhi pal bandhe

ankh khulne bhi na pai thi ke us ne fauran

band burqae ke ba andaz-e-taghaful bandhe

hae wo said ke sayyad ke pichhe lapke

sar ko fitrak pe har dam ba tafawwal bandhe