گدائی

مے کدے میں ایک دن اک رندِ زِیرک نے کہا

ہے ہمارے شہر کا والی گدائے بے حیا

تاج پہنایا ہے کس کی بے کُلاہی نے اسے

کس کی عُریانی نے بخشی ہے اسے زرّیں قبا

اس کے آبِ لالہ گُوں کی خُونِ دہقاں سے کشید

تیرے میرے کھیت کی مٹی ہے اس کی کیمیا

اس کے نعمت خانے کی ہر چیز ہے مانگی ہُوئی

دینے والا کون ہے، مردِ غریب و بے نَوا

مانگنے والا گدا ہے، صدقہ مانگے یا خراج

کوئی مانے یا نہ مانے، مِیرو سُلطاں سب گدا!

mai kade mein ek din ik rind-e-zirak ne kaha

hai hamare shahr ka wali gadae be haya

taj pahnaya hai kis ki be kulahi ne use

kis ki uryani ne bakhshi hai use zarrin qaba

us ke ab-e-lala gun ki khun-e-dehqan se kashid

tere mere khet ki mitti hai us ki kimiya

us ke nemat khane ki har chiz hai mangi hui

dene wala kaun hai, mard-e-gharib-o-be nawa

mangne wala gada hai, sadqa mange ya khiraj

koi mane ya na mane, miro sultan sab gada!