چودہواں اس چندر کا سال ہوا

چودہواں اس چندر کا سال ہوا

حسن میں بدر با کمال ہوا

تجھ سا چنچل نہیں زمانے میں

رم میں اے من ہرن غزال ہوا

باغ دل میں تو نخل طوبیٰ ہے

سرو تجھ قد سے پائمال ہوا

رات دن تو رہے رقیباں سنگ

دیکھنا تیرا مجھ محال ہوا

دیکھ کر تجھ نین کی شوخی کوں

تھک کے صحرا نشیں غزال ہوا

مرغ دل کے پھنسانے کو میرے

دانہ و دام زلف و خال ہوا

زلف کی ہر شکن میں تجھ میرا

دل گرفتار بال بال ہوا

chaudawan is chandar ka sal hua

husn mein badr ba kamal hua

tujh sa chanchal nahin zamane mein

ram mein ai man hiran ghazal hua

bagh-e-dil mein to nakhl-e-tuba hai

sarw tujh qad se paimal hua

rat din to rahe raqiban sang

dekhna tera mujh muhal hua

dekh kar tujh nain ki shokhi kun

thak ke sahra nashin ghazal hua

murgh-e-dil ke phansane ko mere

dana-o-dam-e-zulf-o-khal hua

zulf ki har shikan mein tujh mera

dil giraftar bal bal hua