چو کی لفظی تحقیق

اشنان کرنے گھر سے چلے لالہ لال چند

اور آگے آگے لالہ کے ان کی بہو گئی

پوچھا جو میں نے لالہ للائن کہاں گئیں

نیچی نظر سے کہنے لگے وہ بھی چو گئی

میں نے دیا جواب انہیں از رہ مذاق

کیا وہ بھی کوئی چھت تھی کہ بارش سے چو گئی

کہنے لگے کہ آپ بھی ہیں مسخرے عجب

اب تک بھی آپ سے نہ تمسخر کی خو گئی

چو ہوشیار پر میں ندی سے ہے یہ مراد

بی بی تمیز بھی ہیں وہیں کرنے وضو گئی

میں نے کہا کہ چو سے اگر ہے مراد جو

پھر یوں کہو کہ تا بہ لب آب جو گئی

کیوں اینٹھے ہیں ماش کے آٹے کی طرح آپ

دھوتی سے آپ کی نہیں ہلدی کی بو گئی

لطف زباں سے کیا ہو سروکار آپ کو

دامن کو آپ کے نہیں تہذیب چھو گئی

ہندی نے آ کے جیم کوچے سے بدل دیا

چو آئی کوہسار سے گلشن سے جو گئی

لہجہ ہوا درشت زباں ہو گئی کرخت

لطف کلام و شستگیٔ گفتگو گئی

معنی کو ہے گلہ کہ ہوا بے حجاب میں

شکوہ ہے لفظ کو کہ مری آبرو گئی

افسوس ملک میں نہ رہی فارسی کی قدر

مستی اڑی شراب سے پھولوں کی بو گئی

ashnan karne ghar se chale lala lal chand

aur age age lala ke un ki bahu gai

puchha jo main ne lala lalain kahan gain

nichi nazar se kahne lage wo bhi chau gai

main ne diya jawab unhen az rah-e-mazaq

kya wo bhi koi chhat thi ke barish se chau gai

kahne lage ke ap bhi hain maskhare ajab

ab tak bhi ap se na tamaskhur ki khu gai

chau hoshyar par main nadi se hai ye murad

bi bi tamiz bhi hain wahin karne wuzu gai

main ne kaha ke chau se agar hai murad jo

phir yun kaho ke ta ba lab-e-ab ju gai

kyun ainthe hain mash ke ate ki tarah ap

dhoti se ap ki nahin haldi ki bu gai

lutf-e-zaban se kya ho sarokar ap ko

daman ko ap ke nahin tahzib chhu gai

hindi ne a ke jaim kuche se badal diya

chau ai kohsar se gulshan se jo gai

lahja hua durusht zaban ho gai karakht

lutf-e-kalam-o-shustagi-e-guftugu gai

maani ko hai gila ke hua be hijab mein

shikwa hai lafz ko ke miri abru gai

afsos mulk mein na rahi farsi ki qadr

masti uri sharab se phulon ki bu gai