کر نہ لے اپنا ٹھکانہ دشمن

کر نہ لے اپنا ٹھکانہ دشمن

دوست نادان ہے دانا دشمن

دیکھے گر اس کی پلک یا اللہ

تو ہو تیروں کا نشانہ دشمن

دیدہ تر نہ بہانا آنسو

ڈھونڈھتے ہیں یہ بہانہ دشمن

دوست کو دوست نہ سمجھا تم نے

اور دشمن کو نہ جانا دشمن

دوستی کی نہ رہے پھر امید

کاش ہو جائے زمانہ دشمن

دشمن جاں ہیں بہت پر اے عشق

تجھے جانا تجھے مانا دشمن

تم سمجھتے ہو اسے یار قدیم

دل ہے اے داغؔ پرانا دشمن

kar na le apna thikana dushman

dost nadan hai dana dushman

dekhe gar us ki palak ya allah

to ho tiron ka nishana dushman

dida tar na bahana ansu

dhundhte hain ye bahana dushman

dost ko dost na samjha tum ne

aur dushman ko na jana dushman

dosti ki na rahe phir ummid

kash ho jae zamana dushman

dushman-e-jan hain bahut par ai ishq

tujhe jana tujhe mana dushman

tum samajhte ho use yar qadim

dil hai ai dagh purana dushman