افلاک سے آتا ہے نالوں کا جواب آخر

افلاک سے آتا ہے نالوں کا جواب آخر

کرتے ہیں خطاب آخر، اٹھتے ہیں حجاب آخر

احوال محبت میں کچھ فرق نہیں ایسا!

سوزو تب و تاب اول، سوزو تب و تاب آخر!

میں تجھ کو بتاتا ہوں تقدیر اُمم کیا ہے

شمشیر و سناں اول، طاؤس و رباب آخر

میخانۂ یورپ کے دستور نرالے ہیں

لاتے ہیں سرور اول، دیتے ہیں شراب آخر

کیا دبدبۂ نادر، کیا شوکتِ تیموری!

ہوجاتے ہیں سب دفتر غرقِ مئے ناب آخر

خلوت کی گھڑی گزری، جلوت کی گھڑی آئی

چھٹنے کو ہے بجلی سے آغوشِ سحاب آخر!

تھا ضبط بہت مشکل اس سیلِ معانی کا

کہہ ڈالے قلندر نے اسرارِ کتاب آخر

aflak se ata hai nalon ka jawab akhir

karte hain khitab akhir, uthte hain hijab akhir

ahwal-e-mohabbat mein kuchh farq nahin aisa!

sozo tab-o-tab-e-awwal, sozo tab-o-tab akhir!

main tujh ko batata hun taqdir-e-umam kya hai

shamshir-o-sinan awwal, taus-o-rabab-e-akhir

maikhana-e-yorap ke dastur nirale hain

late hain surur-e-awwal, dete hain sharab akhir

kya dabdaba-e-nadir, kya shaukat-e-timori!

hojate hain sab daftar gharq-e-mai-e-nab akhir

khalwat ki ghari guzri, jalwat ki ghari ai

chhutne ko hai bijli se aghosh-e-sahab akhir!

tha zabt bahut mushkil is sail-e-maani ka

kah dale qalandar ne asrar-e-kitab-e-akhir