چار سو عالم امکاں میں اندھیرا دیکھا

چار سو عالم امکاں میں اندھیرا دیکھا

تو جدھر ہے اسی جانب کو اجالا دیکھا

اس پہ قربان کہ جس نے تری آواز سنی

صدقے اس آنکھ کے جس نے ترا جلوہ دیکھا

خلوت قدس کی بے پردہ تجلی کو نہ پوچھ

شوق نظارہ میں صرف آنکھ کا پردہ دیکھا

آنکھ جب بند ہوئی کھل گیا راز قدرت

شان معبود اندھیرے میں اجالا دیکھا

پردہ اٹھ جائے گا جب روئے تجلی سے کلیم

آپ خود منہ سے کہیں گے کہ ابھی کیا دیکھا

روئے گل رنگ خزاں جوش جنوں فصل بہار

چار دن کے لئے اس باغ میں کیا کیا دیکھا

اوجؔ کج بختیٔ ارباب سخن سے کیا بحث

دامن گل کبھی کانٹوں میں نہ الجھا دیکھا

char su alam-e-imkan mein andhera dekha

tu jidhar hai usi janib ko ujala dekha

us pe qurban ke jis ne tiri awaz suni

sadqe is ankh ke jis ne tira jalwa dekha

khalwat-e-qudus ki be parda tajalli ko na puchh

shauq-e-nazzara mein sirf ankh ka parda dekha

ankh jab band hui khul gaya raz-e-qudrat

shan-e-maabud andhere mein ujala dekha

parda uth jaega jab ru-e-tajalli se kalim

ap khud munh se kahenge ke abhi kya dekha

ru-e-gul rang-e-khizan josh-e-junun fasl-e-bahar

char din ke liye is bagh mein kya kya dekha

auj-e-kaj bakhti-e-arbab-e-sukhan se kiya bahs

daman-e-gul kabhi kanton mein na uljha dekha