ڈالی گئی جو فصلِ خزاں میں شَجر سے ٹُوٹ

ڈالی گئی جو فصلِ خزاں میں شَجر سے ٹُوٹ

مُمکن نہیں ہری ہو سحابِ بہار سے

ہے لازوال عہدِ خزاں اُس کے واسطے

کچھ واسطہ نہیں ہے اُسے برگ و بار سے

ہے تیرے گُلِستاں میں بھی فصلِ خزاں کا دَور

خالی ہے جیبِ گُل زرِ کامل عیار سے

جو نغمہ‌زن تھے خَلوتِ اوراق میں طیور

رُخصت ہوئے ترے شجَرِ سایہ‌دار سے

شاخِ بُریدہ سے سبق اندوز ہو کہ تُو

ناآشنا ہے قاعدۂ روزگار سے

مِلّت کے ساتھ رابطۂ اُستوار رکھ

پیوستہ رہ شجَر سے، امیدِ بہار رکھ!

dali gai jo fasl-e-khizan mein shajar se tut

mumkin nahin hari ho sahab-e-bahar se

hai lazawal ahd-e-khizan us ke waste

kuchh wasta nahin hai use barg-o-bar se

hai tere gulistan mein bhi fasl-e-khizan ka daur

khali hai jeb-e-gul zar-e-kamil ayyar se

jo naghmazan the khalot-e-auraq mein tuyur

rukhsat hue tire shajar-e-sayadar se

shakh-e-burida se sabaq andoz ho ke tu

naashna hai qaida-e-rozgar se

millat ke sath rabta-e-ustuwar rakh

paiwasta rah shajar se, ummid-e-bahar rakh!