پیام (تصدق حسین خالد)

فضاؤں میں کوئی نادیدہ معلوم رستہ ہے

جہاں جذبات مضطر روح کے سیماب پا قاصد

صعوبات سفر سے بے خبر اک دور منزل کو

پروں میں الفتوں کے راز کو لے کر

ہواؤں کی طرح آزاد بے پروا اڑے جائیں

پیام شوق دے آئیں

اگر اس رات اس بے راہ رستے پر

کوئی جذبہ دل بے تاب سے اٹھ کر

عناں برداشتہ نکلے

اشارے گرم جوش آرزو آئیں گے ایثر پر

انہیں پڑھنا

اگر منظور خاطر ہو

جواباً ایک جذبے کو سوار برق کر دینا

fazaon mein koi nadida maalum rasta hai

jahan jazbat muztar ruh ke simab pa qasid

sobat-e-safar se be khabar ik dur manzil ko

paron mein ulfaton ke raz ko le kar

hawaon ki tarah azad be parwa ure jaen

payam-e-shauq de aen

agar is rat us be rah raste par

koi jazba-e-dil-e-be tab se uth kar

inan bardashta nikle

ishare garm josh-e-arzu aenge esar par

unhen parhna

agar manzur-e-khatir ho

jawaban ek jazbe ko sawar barq kar dena