پہنچا ہے آج قیس کا یاں سلسلہ مجھے

پہنچا ہے آج قیس کا یاں سلسلہ مجھے

جنگل کی راس کیوں نہ ہو آب و ہوا مجھے

آنا اگر ترا نہیں ہوتا ہے میرے گھر

دولت سرا میں اپنے ہی اک دن بلا مجھے

وہ ہووے اور میں ہوں اور اک کنج عافیت

اس سے زیادہ چاہیے پھر اور کیا مجھے

پیدا کیا ہے جب سے کہ میں ربط عشق سے

بیگانہ جانتا ہے ہر ایک آشنا مجھے

کافر بتوں کی راہ نہ جا آ خدا کو مان

پیر خرد نے گرچہ کہا بارہا مجھے

پر کیا کروں کہ دل ہی نہیں اختیار میں

اس خانما خراب نے عاجز کیا مجھے

پہلے ہی اپنے دل کو نہ دینا تھا اس کے ہاتھ

ایمانؔ اب تو کوئی پڑی ہے وفا مجھے

pahuncha hai aj qais ka yan silsila mujhe

jangal ki ras kyun na ho ab-o-hawa mujhe

ana agar tira nahin hota hai mere ghar

daulat sara main apne hi ik din bala mujhe

wo howe aur main hun aur ik kunj-e-afiyat

is se ziyada chahiye phir aur kiya mujhe

paida kya hai jab se ke main rabt-e-ishq se

begana janta hai har ek ashna mujhe

kafir buton ki rah na ja a khuda ko man

pir-e-khirad ne garche kaha barha mujhe

par kya karun ke dil hi nahin ikhtiyar mein

is khanuma kharab ne ajiz kiya mujhe

pahle hi apne dil ko na dena tha us ke hath

iman ab to koi pari hai wafa mujhe