پھٹا پڑتا ہے جوبن اور جوش نوجوانی ہے

پھٹا پڑتا ہے جوبن اور جوش نوجوانی ہے

وہ اب تو خودبخود جامے سے باہر ہوتے جاتے ہیں

نظر ہوتی ہے جتنی ان کو اپنے حسن صورت پر

ستم گر بے مروت کینہ پرور ہوتے جاتے ہیں

بھلا اس حسن زیبائی کا ان کے کیا ٹھکانا ہے

کہ جتنے عیب ہیں دنیا میں زیور ہوتے جاتے ہیں

ابھی ہے تازہ تازہ شوق خود بینی ابھی کیا ہے

ابھی وہ خیر سے نخوت کے خوگر ہوتے جاتے ہیں

وہ یوں بھی ماہ طلعت ہیں مگر شوخی قیامت ہے

کہ جتنے بد مزہ ہوتے ہیں خوشتر ہوتے جاتے ہیں

phata parta hai joban aur josh-e-naujawani hai

wo ab to khudbakhud jame se bahar hote jate hain

nazar hoti hai jitni un ko apne husn surat par

sitam gar be murawwat kina parwar hote jate hain

bhala us husn zebai ka un ke kya thikana hai

ke jitne aib hain duniya mein zewar hote jate hain

abhi hai taza taza shauq khud bini abhi kya hai

abhi wo khair se nakhwat ke khugar hote jate hain

wo yun bhi mah-e-talat hain magar shokhi qayamat hai

ke jitne bad maza hote hain khushtar hote jate hain