پیا م

عشق نے کر دیا تجھے ذوقِ تپش سے آشنا

بزم کو مثلِ شمعِ بزم حاصلِ سوز و ساز دے

شانِ کرم پہ ہے مدار عشقِ گرہ کشاے کا

دَیر و حرم کی قید کیا! جس کو وہ بے نیاز دے

صورتِ شمع نُور کی مِلتی نہیں قبا اُسے

جس کو خدا نہ دہر میں گریۂ جاں گداز دے

تارے میں وہ، قمر میں وہ، جلوہ گہِ سحَر میں وہ

چشمِ نظارہ میں نہ تُو سُرمۂ امتیاز دے

عشق بلند بال ہے رسم و رہِ نیاز سے

حُسن ہے مستِ ناز اگر تُو بھی جوابِ ناز دے

پیرِ مغاں! فرنگ کی مے کا نشاط ہے اثر

اس میں وہ کیفِ غم نہیں، مجھ کو تو خانہ ساز دے

تجھ کو خبر نہیں ہے کیا! بزم کُہن بدل گئی

اب نہ خدا کے واسطے ان کو مئے مجاز دے

ishq ne kar diya tujhe zauq-e-tapish se ashna

bazm ko misl-e-sham-e-bazm hasil-e-soz-o-saz de

shan-e-karam pe hai madar-e-ishq-e-girah kashai ka

dair-o-haram ki qaid kya! jis ko wo be niyaz de

surat-e-shama nur ki milti nahin qaba use

jis ko khuda na dahr mein girya-e-jan gudaz de

tare mein wo, qamar mein wo, jalwa gah-e-sahar mein wo

chashm-e-nazara mein na tu surma-e-imtiyaz de

ishq buland bal hai rasm-o-rah-e-niyaz se

husn hai mast-e-naz agar tu bhi jawab-e-naz de

pir-e-mughan! farang ki mai ka nishat hai asar

is mein wo kaif-e-gham nahin, mujh ko to khana saz de

tujh ko khabar nahin hai kya! bazm-e-kuhan badal gai

ab na khuda ke waste un ko mai-e-majaz de