پوچھو نہ کچھ ثبوت خرد میں نے کیا دیا

پوچھو نہ کچھ ثبوت خرد میں نے کیا دیا

ایک مست ناز کو دل بے مدعا دیا

اب کیا گلہ کروں عدم التفات کا

میری نگاہ یاس نے سب کچھ جتا دیا

بڑھتے ہوئے شعور میں گم ہو رہا ہوں میں

احساس حسن آپ نے اتنا بڑھا دیا

دیکھی نہ جب تجلیٔ تکرار آشنا

بے رنگیوں کا رنگ خودی نے جما دیا

ہے شاد بے دلی پہ تہی دست آرزو

اچھا کیا نشان تمنا مٹا دیا

مایوس جلوہ ہائے طرب ہوں خبر نہیں

دل خود ہی بجھ گیا کہ کسی نے بجھا دیا

کیا لطف اضطراب دکھاؤں کہ آپ نے

احساس درد درد سے پہلے مٹا دیا

انجام دید و عید اب اے ہم نشیں نہ پوچھ

وہ مجھ کو یاد ہے مجھے جس نے بھلا دیا

معلوم تھا تجھے کہ وہ درد آشنا نہیں

منظورؔ دل کا درد انہیں بھی سنا دیا

puchho na kuchh subut-e-khirad main ne kya diya

ek mast-e-naz ko dil-e-be muddaa diya

ab kya gila karun adam iltifat ka

meri nigah-e-yas ne sab kuchh jata diya

barhte hue shuur mein gum ho raha hun main

ehsas-e-husn ap ne itna barha diya

dekhi na jab tajalli-e-takrar ashna

be rangiyon ka rang khudi ne jama diya

hai shad be dili pe tahi dast-e-arzu

achchha kiya nishan-e-tamanna mita diya

mayus jalwa ha-e-tarab hun khabar nahin

dil khud hi bujh gaya ke kisi ne bujha diya

kya lutf-e-iztirab dikhaun ke ap ne

ehsas-e-dard dard se pahle mita diya

anjam did-o-eid ab ai ham nashin na puchh

wo mujh ko yad hai mujhe jis ne bhula diya

maalum tha tujhe ke wo dard-e-ashna nahin

manzur dil ka dard unhen bhi suna diya