پھبتی ترے مکھڑے پہ مجھے حور کی سوجھی

پھبتی ترے مکھڑے پہ مجھے حور کی سوجھی

لا ہاتھ ادھر دے کہ بہت دور کی سوجھی

ٹک دیکھئے گا جبہ و عمامہ زاہد

ہے اس پہ مجھے بلعم باعور کی سوجھی

کیوں میں دل پر آبلہ پر تاک نہ باندھوں

ہے اس پہ مجھے خوشۂ انگور کی سوجھی

ہے شیخ سیہ چہرہ جو مجلس میں پھدکتا

یاروں کو یہاں روئی کے لنگور کی سوجھی

واعظ جو پڑھا جن متبختر ہے نہایت

اس پر مجھے شیطان کی ہے پور کی سوجھی

ہاتھ اپنے سے جب چھٹ گئی اس ڈنڈ کی مچھلی

تب اس کے تڑپنے پہ سقنقور کی سوجھی

ہاں اے شفق صبح تری دیکھ کے رنگت

شنجرف کی سوجھی مجھے کافور کی سوجھی

جب پھول جھڑے نور کے اس آہ سے میری

اس پر مجھے انشاؔ شجر طور کی سوجھی

phabti tire mukhre pe mujhe hur ki sujhi

la hath idhar de ke bahut dur ki sujhi

tuk dekhiyega jubba-o-ammama-e-zahid

hai us pe mujhe balamma baur ki sujhi

kyun main dil par abla par tak na bandhun

hai us pe mujhe khosha-e-angur ki sujhi

hai shaikh siyah chehra jo majlis mein phudakta

yaron ko yahan roi ke langur ki sujhi

waiz jo parha jin matbakhtar hai nihayat

us par mujhe shaitan ki hai por ki sujhi

hath apne se jab chhut gai is dand ki machhli

tab us ke tarapne pe saqnaqor ki sujhi

han ai shafaq-e-subh tiri dekh ke rangat

shanjaraf ki sujhi mujhe kafur ki sujhi

jab phul jhare nur ke is ah se meri

us par mujhe insha shajar-e-tur ki sujhi