پئے گل گشت سنا ہے کہ وہ آج آتے ہیں

پئے گل گشت سنا ہے کہ وہ آج آتے ہیں

پھولوں کی بھی یہ خوشی ہے کہ کھلے جاتے ہیں

بہر تسکین دل احباب یہ فرماتے ہیں

آپ کہیے تو ابھی جا کے بلا لاتے ہیں

گدگدی کر کے ہنساتے ہیں جو غش میں احباب

کس کے رومال سے تلوے مرے سہلاتے ہیں

آپ کے ہوتے کسی اور کو چاہوں توبہ

کس طرف دھیان ہے کیا آپ یہ فرماتے ہیں

میری ہی جان کے دشمن ہیں نصیحت والے

مجھ کو سمجھاتے ہیں ان کو نہیں سمجھاتے ہیں

بلبلو باغ میں غافل نہ کہیں ہو جانا

ہر طرف گھات میں صیاد نظر آتے ہیں

خوب پہچان لیا ہم نے تمہیں دل دے کر

سچ کہا ہے کہ جو کھوتے ہیں وہی پاتے ہیں

مجھ کو باور نہیں سچ سچ یہ بتا دے ہم دم

تو نے کس سے یہ سنا ہے کہ وہ آج آتے ہیں

کیا دل و دیدہ بھی ہرکارے ہیں سبحان اللہ

لاکھ پردوں میں کوئی ہو یہ خبر لاتے ہیں

دیکھ اچھا نہیں جوہرؔ کہیں مائل ہونا

جب بھی سمجھاتے تھے اب بھی تجھے سمجھاتے ہیں

piye gul gasht suna hai ke wo aj ate hain

phulon ki bhi ye khushi hai ke khule jate hain

bahr-e-taskin-e-dil ahbab ye farmate hain

ap kahiye to abhi ja ke bala late hain

gudgudi kar ke hansate hain jo ghash mein ahbab

kis ke rumal se talwe mire sehlate hain

ap ke hote kisi aur ko chahun tauba

kis taraf dhyan hai kya ap ye farmate hain

meri hi jan ke dushman hain nasihat wale

mujh ko samjhate hain un ko nahin samjhate hain

bulbulo bagh mein ghafil na kahin ho jana

har taraf ghat mein sayyad nazar ate hain

khub pahchan liya ham ne tumhen dil de kar

sach kaha hai ke jo khote hain wahi pate hain

mujh ko bawar nahin sach sach ye bata de ham dam

tu ne kis se ye suna hai ke wo aj ate hain

kya dil-o-dida bhi harkare hain subhan allah

lakh pardon mein koi ho ye khabar late hain

dekh achchha nahin jauhar kahin mail hona

jab bhi samjhate the ab bhi tujhe samjhate hain