ٹک دیکھ لیں چمن کو چلو لالہ زار تک

ٹک دیکھ لیں چمن کو چلو لالہ زار تک

کیا جانے پھر جئیں نہ جئیں ہم بہار تک

قسمت نے دور ایسا ہی پھینکا ہمیں کہ ہم

پھر جیتے جی پہنچ نہ سکے اپنے یار تک

لے جاؤں اب میں یاں سے کہاں اپنا آشیاں

دشمن ہے اس چمن میں مرا خار خار تک

دست ستم دراز کیا جب جنون نے

چھوڑا نہ میرے پاس گریباں کا تار تک

پھر بھی ٹک اتنا اس کو تو کہہ دیجیو صبا

جاوے اگر ہمارے تغافل شعار تک

جینے کی صورت اس کی ٹھہرتی ہے کوئی دم

اس وقت میں بھی پہنچو جو اس بیقرار تک

کہہ اس زمیں میں ایک غزل اور بھی حسنؔ

ہے تیری طبع کہنے پر اب تو ہزار تک

tuk dekh len chaman ko chalo lala zar tak

kya jane phir jiyen na jiyen ham bahar tak

qismat ne dur aisa hi phenka hamen ke ham

phir jite ji pahunch na sake apne yar tak

le jaun ab main yan se kahan apna ashiyan

dushman hai is chaman mein mira khar khar tak

dast-e-sitam daraz kiya jab junun ne

chhora na mere pas gareban ka tar tak

phir bhi tuk itna us ko to kah dijiyo saba

jawe agar hamare taghaful shiar tak

jine ki surat us ki thaharti hai koi dam

is waqt mein bhi pahuncho jo is beqarar tak

kah is zamin mein ek ghazal aur bhi husn

hai teri taba kahne par ab to hazar tak