ٹک ہونٹ ہلاؤں تو یہ کہتا ہے نہ بک بے

ٹک ہونٹ ہلاؤں تو یہ کہتا ہے نہ بک بے

اور پاس جو بیٹھوں تو سناتا ہے سرک بے

کہتا ہوں کبھی گھر میں مرے آ تو ہے کہتا

چوکھٹ پہ ہماری کوئی دن سر تو پٹک بے

جب بدر نکلتا ہے تو کہتا ہے وہ مغرور

کہہ دو اسے یاں آن کے اتنا نہ چمک بے

پردہ جو الٹ دوں گا ابھی منہ سے تو دم میں

اڑ جائے گی چہرے کی ترے سب یہ جھمک بے

سب بانکپن اب تیرا نظیرؔ عشق نے کھویا

کیا ہو گئی سچ کہہ وہ تیری دوت دبک بے

tuk hont hilaun to ye kahta hai na bik be

aur pas jo baithun to sunata hai sarak be

kahta hun kabhi ghar mein mire a to hai kahta

chaukhat pe hamari koi din sar to patak be

jab badr nikalta hai to kahta hai wo maghrur

kah do use yan an ke itna na chamak be

parda jo ulat dunga abhi munh se to dam mein

ur jaegi chehre ki tire sab ye jhamak be

sab bankpan ab tera nazir ishq ne khoya

kya ho gai sach kah wo teri dot dabak be