ٹک قیس کو چھیڑ چھاڑ کر عشق

ٹک قیس کو چھیڑ چھاڑ کر عشق

لپٹا مجھے پنجے جھاڑ کر عشق

خم ٹھونک مری ہوا مقابل

فرہاد کو دوں پچھاڑ کر عشق

آیا کج و وا کج اس طرف کو

وامق کا گھر اجاڑ کر عشق

بے فوج سرشک و پرچم آہ

جھپٹا یوں بھیڑ بھاڑ کر عشق

القصہ سبھوں کے ہو مقابل

پہونچا اب ہم کو تاڑ کر عشق

تا دامن کوہ کھینچ لایا

جنگل میں انہوں کو گاڑ کر عشق

ہم عشق اللہ بولے تو بھی

چنگھاڑ کے آئے پھاڑ کر عشق

ہے ہے انشاؔ ہمارے دل کو

بے طرح گیا لتاڑ کر عشق

tuk qais ko chher chhar kar ishq

lipta mujhe panje jhar kar ishq

kham thonk miri hua muqabil

farhad ko dun pichhar kar ishq

aya kaj-o-wa kaj is taraf ko

wamiq ka ghar ujar kar ishq

be fauj sarishk-o-parcham-e-ah

jhapta yun bhir bhar kar ishq

alqissa sabhon ke ho muqabil

pahuncha ab ham ko tar kar ishq

ta daman-e-koh khinch laya

jangal mein unhon ko gar kar ishq

ham ishq allah bole tu bhi

chinghar ke ae phar kar ishq

hai hai insha hamare dil ko

be tarah gaya latar kar ishq