پشیمانی
تصدق حسین خالدموت کا راگ نفیری پہ بجاتی آٹھی
لو جھلستی ہوئی لو
آٹھی
بڑھی
ریت پہ جیسے دھواں اٹھتا ہو
سرسراہٹ سی درختوں میں ہوئی
پتے مرجھا گئے
گرنے لگے
وہ ان کے کھڑکنے کی صدا میرے خدا
لو کے ہم راہ بڑھے
موت کے ناچ کا نکلا تھا جلوس
چونک کر جاگ اٹھے صحن چمن میں طائر
آشیانوں سے جدائی انہیں منظور نہ تھی
سہم کر اٹھے اڑے اڑ کے وہیں آں گرے
ان کی اس آخری فریاد کی غم ناک صدا میرے خدا
اک گھٹا ٹوپ اندھیرے میں جھکائے ہوئے سر
ہاتھ آنکھوں پہ رکھے
بیٹھی ہے غمگیں اداس مجبور
پہلو میں افسردہ خوشی کو لے
سانس رکنے لگا
خوں جمنے لگا
بے کلی ڈھونڈھتی پھرتی ہے پناہ
رینگتا رینگتا خوف آیا سسکتا ہوا سانپ
بے کلی کانپ اٹھی
خوف جھپٹ کر اٹھا بے کلی نزع میں تھی
مجھ کو بچا میرے خدا
تیرگی کانپی
فضا لرزی
کھلی کرنوں کی راہ
روحیں جو وسعت آفاق میں آوارہ سی تھیں
ڈھونڈھتی پھرتی تھیں منزل اپنی
پھڑپھڑائے ہوئے پر اپنے اٹھیں
اور ہواؤں میں بڑھیں
سامنے جنت گم گشتہ نظر آتی تھی
maut ka rag nafiri pe bajati athi
lo jhulasti hui lo
athi
barhi
ret pe jaise dhuan uthta ho
sarsarahat si darakhton mein hui
patte murjha gae
girne lage
wo un ke kharakne ki sada mere khuda
lo ke ham rah barhe
maut ke nach ka nikla tha julus
chaunk kar jag uthe sehn-e-chaman mein tair
ashiyanon se judai unhen manzur na thi
sahm kar uthe ure ur ke wahin an gire
un ki is akhiri fariyad ki gham nak sada mere khuda
ik ghata top andhere mein jhukae hue sar
hath ankhon pe rakhe
baithi hai ghamgin udas majbur
pahlu mein afsurda khushi ko le
sans rukne laga
khun jamne laga
be kali dhundhti phirti hai panah
rengta rengta khauf aya sisakta hua sanp
be kali kanp uthi
khauf jhapat kar utha be kali nazaa mein thi
mujh ko bacha mere khuda
tirgi kanpi
faza larzi
khuli kirnon ki rah
ruhen jo wusat-e-afaq mein awara si thin
dhundhti phirti thin manzil apni
pharpharae hue par apne uthen
aur hawaon mein barhen
samne jannat gum gashta nazar ati thi