پنچاب کے دہقان سے

بتا کیا تری زندگی کا ہے راز

ہزاروں برس سے ہے تُو خاک باز

اسی خاک میں دب گئی تیری آگ

سحَر کی اذاں ہوگئی، اب تو جاگ!

زمیں میں ہے گو خاکیوں کی برات

نہیں اس اندھیرے میں آبِ حیات

زمانے میں جھُوٹا ہے اُس کا نِگیں

جو اپنی خودی کو پرکھتا نہیں

بُتانِ شعوب و قبائل کو توڑ

رسُومِ کُہَن کے سلاسل کو توڑ

یہی دِین محکم، یہی فتحِ باب

کہ دنیا میں توحید ہو بے حجاب

بخاکِ بدن دانۂ دل فشاں

کہ ایں دانہ داردزحاصِل نشاں

bata kya tiri zindagi ka hai raz

hazaron baras se hai tu khak baz

isi khak mein dab gai teri ag

sahar ki azan hogai, ab to jag!

zamin mein hai go khakiyon ki barat

nahin is andhere mein ab-e-hayat

zamane mein jhuta hai us ka nigen

jo apni khudi ko parakhta nahin

butan-e-shob-o-qabail ko tor

rusum-e-kuhan ke salasil ko tor

yahi din-e-mohkam, yahi fath-e-bab

ke duniya mein tauhid ho be hijab

bakhak-e-badan dana-e-dil fishan

ke ain dana dardazhasil nishan