وقت کی چیز
علی منظور حیدرآبادیسب جسے انتہا کہیں تو اسے ابتدا سمجھ
ہو نہ اسی سمجھ پہ خوش یوں ہی بڑھائے جا سمجھ
ذوق سفر گھٹا نہ دے لوگ کہیں جو نا سمجھ
حاصل مدعا کو بھی پرتو مدعا سمجھ
اور بلندیوں پہ جا راز عروج کا سمجھ
دل میں ہے درد قوم اگر قوم کی جلد لے خبر
قوم سے ہیں جو بے خبر قوم کی ان کو دے خبر
سوچ کہ اپنی قوم سے کون ہے آج بے خبر
کام کا آدمی ملے یا نہ ملے کسے خبر
کیا نہیں تو خود آدمی خود کو ہی کام کا سمجھ
تیرے حدود میں کہیں آئیں نظر نہ پستیاں
لائق اعتنا نہ ہوں غیروں کی چیرہ دستیاں
درخور التفات ہوں کیوں یہ ذلیل ہستیاں
جس کی خودی پہ چھین لیں قوم کی خود پرستیاں
ایسے خودی نواز کو قوم کا رہنما سمجھ
قوت زر سے جو بشر آئی بلا کو ٹال دے
اس کی کرامتوں میں جس اور بھی ذوالجلال دے
اس سے اگر ہے بد ظنی دل میں تو اب نکال دے
قوم کی مفلسی کو جو معرض شک میں ڈال دے
ایسے بھی مال دار کو مکرمت آشنا سمجھ
تو نہ رکھ اتنی حب زر دل میں مگر یہ رکھ خیال
وقت کی چیز بن گئی آج نمود جاہ و مال
تیرے نمود پر کرے فخر ہر ایک با کمال
عزت قوم کا ہے جز عزت نفس کا سوال
اپنے بھی ارتقا کو تو قوم کا ارتقا سمجھ
sab jise intiha kahin to use ibtida samajh
ho na isi samajh pe khush yun hi barhae ja samajh
zauq-e-safar ghatta na de log kahen jo na samajh
hasil-e-muddaa ko bhi partau muddaa samajh
aur bulandiyon pe ja raz uruj ka samajh
dil mein hai dard qaum agar qaum ki jald le khabar
qaum se hain jo be khabar qaum ki un ko de khabar
soch ke apni qaum se kaun hai aj be khabar
kam ka admi mile ya na mile kise khabar
kya nahin to khud admi khud ko hi kam ka samajh
tere hudud mein kahin aen nazar na pastiyan
laiq-e-etina na hun ghairon ki chira dastiyan
darkhur-e-iltifat hun kyun ye zalil hastiyan
jis ki khudi pe chhin len qaum ki khud parastiyan
aise khudi nawaz ko qaum ka rahnuma samajh
quwwat-e-zar se jo bashar ai bala ko tal de
us ki karamaton mein jis aur bhi zualjalal de
us se agar hai bad zanni dil mein to ab nikal de
qaum ki muflisi ko jo maaraz-e-shak mein dal de
aise bhi mal dar ko makramat ashna samajh
tu na rakh itni hub zar-e-dil mein magar ye rakh khayal
waqt ki chiz ban gai aj numud jah-o-mal
tere numud par kare fakhr har ek ba kamal
izzat qaum ka hai juz izzat nafas ka sawal
apne bhi irtiqa ko to qaum ka irtiqa samajh