از مہر تا بہ ذرہ دل و دل ہے آئنہ

از مہر تا بہ ذرہ دل و دل ہے آئنہ

طوطی کو شش جہت سے مقابل ہے آئنہ

حیرت ہجوم لذت غلطانیٔ تپش

سیماب بالش و کمر دل ہے آئنہ

غفلت بہ بال جوہر شمشیر پرفشاں

یاں پشت چشم شوخیٔ قاتل ہے آئنہ

حیرت نگاہ برق تماشا بہار شوخ

در پردۂ ہوا پر بسمل ہے آئنہ

یاں رہ گئے ہیں ناخن تدبیر ٹوٹ کر

جوہر طلسم عقدۂ مشکل ہے آئنہ

ہم زانوئے تأمل و ہم جلوہ گاہ گل

آئینہ بند خلوت و محفل ہے آئنہ

دل کار گاہ فکر و اسدؔ بے نوائے دل

یاں سنگ آستانۂ بیدلؔ ہے آئنہ

az mehr ta ba zarra dil-o-dil hai aina

tuti ko shash jihat se muqabil hai aina

hairat hujum-e-lazzat-e-ghalatani-e-tapish

simab balish-o-kamar-e-dil hai aina

ghaflat ba bal-e-jauhar-e-shamshir-e-purfishan

yan pusht-e-chashm-e-shokhi-e-qatil hai aina

hairat nigah-e-barq-e-tamasha bahar shokh

dar parda-e-hawa par bismil hai aina

yan rah gae hain nakhun-e-tadbir tut kar

jauhar tilism-e-uqda-e-mushkil hai aina

ham zanu-e-tamal-o-ham jalwa gah-e-gul

aina band-e-khalwat-o-mahfil hai aina

dil kar gah-e-fikr-o-asad be nawa-e-dil

yan sang-e-astana-e-bedil hai aina