وہ آ کے خواب میں تسکین اضطراب تو دے

وہ آ کے خواب میں تسکین اضطراب تو دے

ولے مجھے تپش دل مجال خواب تو دے

کرے ہے قتل لگاوٹ میں تیرا رو دینا

تری طرح کوئی تیغ نگہ کو آب تو دے

دکھا کے جنبش لب ہی تمام کر ہم کو

نہ دے جو بوسہ تو منہ سے کہیں جواب تو دے

پلا دے اوک سے ساقی جو ہم سے نفرت ہے

پیالہ گر نہیں دیتا نہ دے شراب تو دے

اسدؔ خوشی سے مرے ہاتھ پانو پھول گئے

کہا جو اس نے ذرا میرے پانو داب تو دے

یہ کون کہوے ہے آباد کر ہمیں لیکن

کبھی زمانہ مراد دل خراب تو دے

wo a ke khwab mein taskin-e-iztirab to de

wale mujhe tapish-e-dil majal-e-khwab to de

kare hai qatl lagawat mein tera ro dena

tiri tarah koi tegh-e-nigah ko ab to de

dikha ke jumbish-e-lab hi tamam kar ham ko

na de jo bosa to munh se kahin jawab to de

pila de ok se saqi jo ham se nafrat hai

pyala gar nahin deta na de sharab to de

asad khushi se mire hath paon phul gae

kaha jo us ne zara mere paon dab to de

ye kaun kewe hai abad kar hamen lekin

kabhi zamana murad-e-dil-e-kharab to de