وصل کی آرزو کئے نہ بنی

وصل کی آرزو کئے نہ بنی

نہ بنی جستجو کئے نہ بنی

شوق نے ہم کلام کر ہی دیا

ان سے بے گفتگو کئے نہ بنی

جب رکا خون بن گئی دم پر

چاک دل کو رفو کئے نہ بنی

ذلت عشق ہے وہاں عزت

شکوہ آبرو کئے نہ بنی

پاک ہونا ہے رند کو لازم

مے کشی بے وضو کئے نہ بنی

قتل ٹھہرا جو شیوۂ معشوق

ہمیں دل کو لہو کئے نہ بنی

اس کی تصویر سے بھی تھا یہ خوف

داغؔ کو گفتگو کئے نہ بنی

wasl ki arzu kiye na bani

na bani justuju kiye na bani

shauq ne ham kalam kar hi diya

un se be guftugu kiye na bani

jab ruka khun ban gai dam par

chak-e-dil ko rafu kiye na bani

zillat-e-ishq hai wahan izzat

shikwa abru kiye na bani

pak hona hai rind ko lazim

mai kashi be wuzu kiye na bani

qatl thahra jo shewa-e-maashuq

hamen dil ko lahu kiye na bani

us ki taswir se bhi tha ye khauf

dagh ko guftugu kiye na bani