وصل کی رات ہے آخر کبھی عریاں ہوں گے

وصل کی رات ہے آخر کبھی عریاں ہوں گے

میں پشیماں ہوں تو کیا وہ نہ پشیماں ہوں گے

آپ مر جاؤں گا تو آ کہ نہ آ او ظالم

آج وہ دن ہے کہ مجھ پر مرے احساں ہوں گے

غیر کی شکل بنیں گے کبھی خود ان کا شوق

ہم بھی دیکھیں تو کہاں تک نہ وہ پرساں ہوں گے

دل جو روٹھا تو منانے سے کہیں منتا ہے

یہ ستم باعث حسرت تجھے اے جاں ہوں گے

آج بہروپ عدو کا ہے بنایا میں نے

اب تو وہ بھی مرے انداز پہ قرباں ہوں گے

ان کو پہنیں گے مرے دشت جنوں کے کانٹے

یہ وہ دامن ہیں کہ آخر کو گریباں ہوں گے

برہمی دوری جاناں میں انہیں ہوگی نسیمؔ

میرے نالے اثر فکر غزل خواں ہوں گے

wasl ki rat hai akhir kabhi uryan honge

main pasheman hun to kya wo na pasheman honge

ap mar jaunga to a ke na a o zalim

aj wo din hai ke mujh par mire ehsan honge

ghair ki shakl banenge kabhi khud un ka shauq

ham bhi dekhen to kahan tak na wo pursan honge

dil jo rutha to manane se kahin manta hai

ye sitam bais-e-hasrat tujhe ai jan honge

aj bahrup adu ka hai banaya main ne

ab to wo bhi mire andaz pe qurban honge

un ko pahnenge mire dasht-e-junun ke kante

ye wo daman hain ke akhir ko gareban honge

barhami duri janan mein unhen hogi nasim

mere nale asar-e-fikr-e-ghazal khwan honge