وصل بھی ہوگا حسنؔ تو ٹک تو استقلال کر

وصل بھی ہوگا حسنؔ تو ٹک تو استقلال کر

حال اپنا ہم سے کہہ کہہ ہم کو مت بے حال کر

سارباں گرم حدی ہے اور جرس ہے نعرہ زن

تو بھی ٹک محمل کے آگے گرد مجنوں حال کر

شمع ساں جتنا سنایا حال رو رو اس کو میں

اٹھ گیا آخر وہ سب باتیں ہنسی میں ٹال کر

مشق جور و ظلم تو کرتا ہی جاتا ہے وہ شوخ

تو بھی دل صبر و تحمل کا اب استعمال کر

عیش و عشرت کو نہ دے تو راہ دل میں اے حسنؔ

درد و غم ہی سے کسی کے اس کو مالا مال کر

wasl bhi hoga husn to tuk to istiqlal kar

hal apna ham se kah kah ham ko mat be hal kar

sarban garm-e-hadi hai aur jaras hai naara zan

tu bhi tuk mahmil ke age gard-e-majnun hal kar

shama san jitna sunaya hal ro ro us ko main

uth gaya akhir wo sab baten hansi mein tal kar

mashq-e-jaur-o-zulm to karta hi jata hai wo shokh

tu bhi dil sabr-o-tahammul ka ab istemal kar

aish-o-ishrat ko na de to rah-e-dil mein ai husn

dard-o-gham hi se kisi ke us ko mala mal kar