نکھر آئی نکھار آئی سنور آئی سنوار آئی

نکھر آئی نکھار آئی سنور آئی سنوار آئی

گلوں کی زندگی لے کر گلستاں میں بہار آئی

مشیت کو نہیں منظور دو دن پارسا رکھنا

ادھر کی میں نے توبہ اور ادھر فوراً بہار آئی

اسیران قفس کو واسطہ کیا ان جھمیلوں سے

چمن میں کب خزاں آئی چمن میں کب بہار آئی

مجھے گلشن سے اے جوش جنوں صحرا کو اب لے چل

یہاں اس کے سوا کیا ہے خزاں آئی بہار آئی

ہمیشہ بادہ خواروں پر خدا کو مہرباں دیکھا

جہاں بیٹھے گھٹا اٹھی جہاں پہنچے بہار آئی

nikhar ai nikhar ai sanwar ai sanwar ai

gulon ki zindagi le kar gulistan mein bahar ai

mashiyyat ko nahin manzur do din parsa rakhna

idhar ki main ne tauba aur idhar fauran bahar ai

asiran-e-qafas ko wasta kya in jhamelon se

chaman mein kab khizan ai chaman mein kab bahar ai

mujhe gulshan se ai josh-e-junun sahra ko ab le chal

yahan us ke siwa kya hai khizan ai bahar ai

hamesha bada khwaron par khuda ko mehrban dekha

jahan baithe ghata uthi jahan pahunche bahar ai