نوبت گریہ و بے تابی و زاری آئی

نوبت گریہ و بے تابی و زاری آئی

بڑے ہنگامے سے کل یاد تمہاری آئی

نزع میں بھی وہ یہاں تک نہیں آنے دیتا

اے خدا غیر کو آ جائے ہماری آئی

ان کو تشبیہ مسیحا سے جو دی وہ بولے

آج معلوم ہوا موت تمہاری آئی

کس طرف آئے کدھر بھول پڑے خیر تو ہے

آج کیا تھا جو تمہیں یاد ہماری آئی

نالۂ بلبل شیدا تو سنا ہنس ہنس کر

اب جگر تھام کے بیٹھو مری باری آئی

naubat girya-o-be tabi-o-zari ai

bare hangame se kal yad tumhari ai

nazaa mein bhi wo yahan tak nahin ane deta

ai khuda ghair ko a jae hamari ai

un ko tashbih masiha se jo di wo bole

aj maalum hua maut tumhari ai

kis taraf ae kidhar bhul pare khair to hai

aj kya tha jo tumhen yad hamari ai

nala-e-bulbul-e-shaida to suna hans hans kar

ab jigar tham ke baitho miri bari ai