اس بندہ کی چاہ دیکھئے گا

اس بندہ کی چاہ دیکھئے گا

اور اس کا نباہ دیکھئے گا

میں کیسے نباہتا ہوں تم سے

انشا اللہ دیکھئے گا

فوجیں اشکوں کی تل رہی ہیں

یہ حشمت و جاہ دیکھئے گا

عاشق مجھے جان کرتے ہیں قتل

تقصیر و گناہ دیکھئے گا

انشاؔ سے آپ اب خفا ہیں

یوں بھر کے نگاہ دیکھئے گا

is banda ki chah dekhiyega

aur us ka nibah dekhiyega

main kaise nibahta hun tum se

insha allah dekhiyega

faujen ashkon ki til rahi hain

ye hashmat-o-jah dekhiyega

ashiq mujhe jan karte hain qatl

taqsir-o-gunah dekhiyega

insha se ap ab khafa hain

yun bhar ke nigah dekhiyega