نکلے چلے آتے ہیں تہ خاک سے کھانے

نکلے چلے آتے ہیں تہ خاک سے کھانے

یہ خوان کرم کس نے بچھایا ہے خدا نے

جو دل میں ہے منہ پھوڑ کے برور نہیں کہتے

مارا مجھے یاروں کی درست اور بجا نے

غفلت میں ہیں سر مست بدلتے نہیں کروٹ

گو سر پہ اٹھا لی ہے زمیں شور درا نے

اسراف نے ارباب تمول کو ڈبویا

عالم کو تفاخر نے تو زاہد کو ریا نے

مرد اس کو سمجھتے نہ کیا ہو جسے بدمست

ایام جوانی کی مے ہوش ربا نے

با‌ ایں ہمہ درماندگی انساں کے یہ دعوے

کیا ذات شریف ان کو بنایا ہے خدا نے

جلوت کا بھروسہ ہے نہ خلوت کی توقع

سب وہم تھا یاروں نے جو تاکے تھے ٹھکانے

nikle chale ate hain tah-e-khak se khane

ye khwan-e-karam kis ne bichhaya hai khuda ne

jo dil mein hai munh phor ke barwar nahin kahte

mara mujhe yaron ki durust aur baja ne

ghaflat mein hain sar mast badalte nahin karwat

go sar pe utha li hai zamin shor-e-dara ne

israf ne arbab-e-tamawwul ko duboya

alam ko tafakhur ne to zahid ko riya ne

mard us ko samajhte na kiya ho jise badmast

ayyam-e-jawani ki mai hosh ruba ne

ba ain hama darmandagi insan ke ye daawe

kya zat-e-sharif un ko banaya hai khuda ne

jalwat ka bharosa hai na khalwat ki tawaqqo

sab wahm tha yaron ne jo take the thikane