نپولین کے مزار پر

راز ہے، راز ہے تقدیرِ جہانِ تگ و تاز

جوشِ کردار سے کھُل جاتے ہیں تقدیر کے راز

جوشِ کردار سے شمشیرِ سکندر کا طلوع

کوہِ الونَد ہوا جس کی حرارت سے گداز

جوش کردار سے تیمور کا سَیلِ ہمہ گیر

سَیل کے سامنے کیا شے ہے نشیب اور فراز

صفِ جنگاہ میں مردانِ خدا کی تکبیر

جوشِ کردار سے بنتی ہے خدا کی آواز

ہے مگر فرصتِ کردار نفَس یا دو نفَس

عوَضِ یک دو نفَس قبر کی شب ہائے دراز!

“عاقبت منزلِ ما وادیِ خاموشان است

حالیا غلغلہ در گُنبدِ افلاکِ انداز”!

raz hai, raz hai taqdir-e-jahan-e-tag-o-taz

josh-e-kirdar se khul jate hain taqdir ke raz

josh-e-kirdar se shamshir-e-sikandar ka tulu

koh-e-alonad hua jis ki hararat se gudaz

josh-e-kirdar se timor ka sail-e-hama gir

sail ke samne kya shai hai nasheb aur faraz

saf-e-jangah mein mardan-e-khuda ki takbir

josh-e-kirdar se banti hai khuda ki awaz

hai magar fursat-e-kirdar nafas ya do nafas

awaz-e-yak do nafas qabr ki shab ha-e-daraz!

"aqibat manzil-e-ma wadi-e-khamoshan ast

haliya ghalghala dar gumbad-e-aflak-e-andaz"!