نقش قدم ہوا ہوں محبت کی راہ کا

نقش قدم ہوا ہوں محبت کی راہ کا

کیا دل کشا مکاں ہے مری سجدہ گاہ کا

گرمی سیں آفتاب قیامت کی کیوں دروں

سایہ ہے مجھ کوں سرو قیامت پناہ کا

ناسور ہو کہ روز قیامت تلک بہے

جس کے جگر میں تیر لگے تجھ نگاہ کا

پیو کا جمال دیکھ ہوا چاک چاک دل

جیوں کہ کتاں پہ عکس پڑے نور ماہ کا

ڈورے نہیں ہیں سرخ تری چشم مست میں

شاید چڑھا ہے خون کسی بے گناہ کا

دل تجھ برہ کی آگ سیں کیونکر نکل سکے

شعلہ سیں کیا چلے گا کہو برگ کاہ کا

سنبل ہے جیوں کہ جلوہ نما جوئبار پر

آنکھوں میں میری عکس دو زلف سیاہ کا

مہتاب رو کے رخ پہ سیہ خط نہیں سراجؔ

جا کر کھلا ہوا ہے مرے دود آہ کا

naqsh-e-qadam hua hun mohabbat ki rah ka

kya dil kusha makan hai miri sajda gah ka

garmi sin aftab-e-qayamat ki kyun darun

saya hai mujh kun sarw qayamat panah ka

nasur ho ke roz-e-qayamat talak bahe

jis ke jigar mein tir lage tujh nigah ka

piyo ka jamal dekh hua chak chak-e-dil

jyun ke katan pe aks pare nur-e-mah ka

dore nahin hain surkh tiri chashm-e-mast mein

shayad charha hai khun kisi be gunah ka

dil tujh bira ki ag sin kyunkar nikal sake

shola sin kya chalega kaho barg-e-kah ka

sumbul hai jyun ke jalwa numa joibar par

ankhon mein meri aks do zulf-e-siyah ka

mahtab ro ke rukh pe siyah khat nahin siraj

ja kar khula hua hai mire dud ah ka