نمود صبح

ہو رہی ہے زیرِ دامانِ اُفُق سے آشکار

صبح یعنی دخترِ دوشیزۂ لیل و نہار

پا چُکا فرصت درُودِ فصلِ انجم سے سپہر

کشتِ خاور میں ہُوا ہے آفتاب آئینہ کار

آسماں نے آمدِ خورشید کی پا کر خبر

محملِ پروازِ شب باندھا سرِ دوشِ غبار

شعلۂ خورشید گویا حاصل اس کھیتی کا ہے

بوئے تھے دہقانِ گردُوں نے جو تاروں کے شرار

ہے رواں نجمِ سحَر، جیسے عبادت خانے سے

سب سے پیچھے جائے کوئی عابدِ شب زندہ دار

کیا سماں ہے جس طرح آہستہ آہستہ کوئی

کھینچتا ہو میان کی ظلمت سے تیغِ آب دار

جیسے خلوت گاہِ مینا میں شرابِ خوش گوار

ہے تہِ دامانِ بادِ اختلاط انگیزِ صبح

شورشِ ناقوس، آوازِ اذاں سے ہمکنار

جاگے کوئل کی اذاں سے طائرانِ نغمہ سنج

ہے ترنّم ریز قانونِ سحَر کا تار تار

ho rahi hai zer-e-daman-e-ufuq se ashkar

subh yaani dukhtar-e-doshiza-e-lail-o-nahar

pa chuka fursat durud-e-fasl-e-anjum se sipehr

kisht-e-khawar mein hua hai aftab aina kar

asman ne amad-e-khurshid ki pa kar khabar

mahmil-e-parwaz-e-shab bandha sar-e-dosh-e-ghubar

shola-e-khurshid goya hasil is kheti ka hai

boe the dehqan-e-gardun ne jo taron ke sharar

hai rawan najm-e-sahar, jaise ibadat khane se

sab se pichhe jae koi abid-e-shab zinda dar

kya saman hai jis tarah ahista ahista koi

khinchta ho miyan ki zulmat se tegh-e-ab dar

jaise khalwat gah-e-mina mein sharab-e-khush gawar

hai tah-e-daman-e-bad-e-ikhtilat angez-e-subh

shorish-e-naqus, awaz-e-azan se hamkanar

jage koyal ki azan se tairan-e-naghma sanj

hai tarannum rez qanun-e-sahar ka tar tar