نشاں یہی ہے زمانے میں زندہ قوموں کا

نشاں یہی ہے زمانے میں زندہ قوموں کا

کہ صُبح و شام بدلتی ہیں ان کی تقدیریں

کمالِ صدق و مروّت ہے زندگی ان کی

معاف کرتی ہے فطرت بھی ان کی تقصیریں

قلندرانہ ادائیں، سکندرانہ جلال

یہ اُمّتیں ہیں جہاں میں برہنہ شمشیریں

خودی سے مردِ خود آگاہ کا جمال و جلال

کہ یہ کتاب ہے، باقی تمام تفسیریں

شکوہِ عید کا منکر نہیں ہوں مَیں، لیکن

قبولِ حق ہیں فقط مردِ حُر کی تکبیریں

حکیم میری نواؤں کا راز کیا جانے

ورائے عقل ہیں اہلِ جُنوں کی تدبیریں

nishan yahi hai zamane mein zinda qaumon ka

ke subh-o-sham badalti hain un ki taqdiren

kamal-e-sidq-o-murawwat hai zindagi un ki

muaf karti hai fitrat bhi un ki taqsiren

qalandrana adaen, sikandarana jalal

ye ummaten hain jahan mein barahna shamshiren

khudi se mard-e-khud agah ka jamal-o-jalal

ke ye kitab hai, baqi tamam tafsiren

shikwa-e-eid ka munkir nahin hun main, lekin

qubul-e-haq hain faqat mard-e-hur ki takbiren

hakim meri nawaon ka raz kya jane

warae aql hain ahl-e-junun ki tadbiren