مہرباں ہو کے جب ملیں گے آپ

مہرباں ہو کے جب ملیں گے آپ

جو نہ ملتے تھے سب ملیں گے آپ

دم رخصت یہ چھیڑ تو دیکھو

مجھ سے کہتے ہیں کب ملیں گے آپ

آپ کیوں خاک میں ملاتے ہیں

ہم مصیبت طلب ملیں گے آپ

کارواں کی تلاش کیا اے دل

آ کے منزل پہ سب ملیں گے آپ

ایک تو وعدہ اور اس پہ قسم

یہ یقیں ہے کہ اب ملیں گے آپ

داغؔ اک آدمی ہے گرما گرم

خوش بہت ہوں گے جب ملیں گے آپ

mehrban ho ke jab milenge ap

jo na milte the sab milenge ap

dam-e-rukhsat ye chher to dekho

mujh se kahte hain kab milenge ap

ap kyun khak mein milate hain

ham musibat talab milenge ap

karwan ki talash kya ai dil

a ke manzil pe sab milenge ap

ek to waada aur us pe qasam

ye yaqin hai ke ab milenge ap

dagh ik admi hai garma garm

khush bahut honge jab milenge ap