مہادیو جی کا بیاہ

پہلے ناؤں گنیش کا، لیجئے سیس نوائے

جا سے کارج سدھ ہوں، سدا مہورت لائے

بول بچن آنند کے، پریم، پیت اور چاہ

سن لو یارو، دھیان دھر، مہادیو کا بیاہ

جوگی جنگم سے سنا، وہ بھی کیا بیان

اور کتھا میں جو سنا، اس کا بھی پرمان

سننے والے بھی رہیں ہنسی خوشی دن رین

اور پڑھیں جو یاد کر، ان کو بھی سکھ چین

اور جس نے اس بیاہ کی، مہما کہی بنائے

اس کے بھی ہر حال میں، شیو جی رہیں سہائے

خوشی رہے دن رات وہ، کبھی نہ ہو دلگیر

مہما اس کی بھی رہے جس کا نام نظیرؔ

pahle naun ganesh ka, lijiye sis niwae

ja se karaj sudh hun, sada mehorut lae

bol bachan anand ke, prem, pit aur chah

sun lo yaro, dhyan dhar, mihadiyo ka biyah

jogi jingum se suna, wo bhi kya bayan

aur kattha mein jo suna, us ka bhi paraman

sunne wale bhi rahen hansi khushi din rain

aur parhen jo yad kar, un ko bhi sukh chain

aur jis ne is biyah ki, mahma kahi banae

us ke bhi har hal mein, shew ji rahen suhae

khushi rahe din rat wo, kabhi na ho dilgir

mahma us ki bhi rahe jis ka nam nazir