ادھر یار جب مہربانی کرے گا

ادھر یار جب مہربانی کرے گا

تو اپنا بھی جی شادمانی کرے گا

دیا دل نظیرؔ اس کو یوں کہہ کے اے جاں

کہو گے تو یہ پاسبانی کرے گا

پڑھے گا یہ اشعار بیٹھو گے جب تک

جو لیٹو گے افسانہ خوانی کرے گا

بٹھاؤ گے در پر تو ہوگا یہ درباں

لڑاؤ گے تو پہلوانی کرے گا

اطاعت میں خدمت میں فرماں بری میں

غرض ہر طرح جانفشانی کرے گا

idhar yar jab mehrbani karega

tu apna bhi ji shadmani karega

diya dil nazir us ko yun kah ke ai jan

kahoge to ye pasbani karega

parhega ye ashar baithoge jab tak

jo letoge afsana khwani karega

bithaoge dar par to hoga ye darban

laraoge to pahlwani karega

itaat mein khidmat mein farman buri mein

gharaz har tarah janfishani karega